2009年2月14 - 15日
今年的情人節, 你帶我到澳門"捐濃捐那"找特色美食, 雖然患上重感冒, 工作上又收到令人沮喪的消息, 但在澳門這兩天完全可以把它們拋諸腦後, 輕鬆不小......
我們選擇了16浦酒店, 雖然冇威尼斯人咁大咁金, 但一樣好靚好舒服, 好宏偉呵.... 
落船後先到漁人碼頭行一圈, 好彩不是太多人......
在大三巴附近的胡椒餅店, 見大排長龍, 直覺以為好好吃.....點知層皮又厚又硬又冇味...
OPENRICE 內好評的馬拉盞勞麵, 果然好味道, 直得推介, 不過另外的咖哩薯餅就比較多油.
遊澳門又點能缺少葡撻, 好正. 一試難忘.
滔滔介紹的魚翅麵同炸魚翅球, 都OK 好食既, 不過魚翅球卻找不到魚翅
軟滑的木糠布丁, 你一口我一口, 好快就報銷了.
在簡陋士多內又發現朱古力, 馬豆, 椰汁糕, 友人選了馬豆糕, 我覺得我整的較好吃, 呵呵
友人聽到"金沙朱古力"雪糕後兩隻眼睛便發光了, 於是就算已經行到腳痛也要找上這間鋪試一試, 試後感覺一般, 甜了點, 反而益力多雪糕同檸檬雪糕比較合口味.
再黎香濃椰子雪糕
晚上我們到了 360 cafe 吃晚餐. 第一眼吸引我的就是這個天使蛋糕, 好大粒的焦糖, 不過又係好甜.
奇貌不楊的朱古力布甸, 暖暖的, 卻很好吃
最後多謝你的水晶headphones, 好靚...唔捨得用呢....
